ريڤيوهات
البيبي راب Baby wrape
النهاردة ان شاء الله هانتكلم عن حاجة قديمة وجديده في نفس الوقت بس هاتساعد امهات كتير جداجدا في انجاز مهمات كتيره كانو فاكرين انها صعبة بالذات في وجود اطفال.
زي مثلا
الخروج مع طفلين او ثلاثة بالذات لو فيهم بييي بيتشال.
الخروج للتسوق وشراء الاغراض.
السفر في وجود طفل صغير.
او الاعمال المنزلية خصوصا في وجود طفل حديث الولادة ولسه نومه غير منتظم وبينام فترات قصيرة او بيعاني دايما من مغص او انتفخات.
الحل السحري في البيبي راب
ايه هي بأه البيبي راب ؟
هي عباره عن شياله للاطفال
عباره عن قماشه طويله كده بتتلف بطريقة معينة عشان نشيل فيها البيبي.
ايه الفرق بينها وبين الشيالات التانيه؟
الفرق انها بتصلح للبيبي من اول يوم ولاده ومش بس بتشيلي البيبي فيها لا دي اكتشفو انها بتعالج المغص والانتفاخ عند الاطفال لما عملو دراسة علي الاطفال الصينين ولقيوهم اقل تعرض للمغص والانتفاخ بسبب ان امهاتهم كانت بتحملهم بالطريقة دي عشان يشتغلو.
وده فعلا اللي حصل مع ابني بس انا مكنتش اعرف كده.
انا جبتها بس عشان اعرف امشي في الشارع وامسك ابني التاني في ايدي.
وفي البيت عشان افضل شيلاه وايدي حره واعرف اعمل شغل البيت لانه كان بيعيط كتير بسبب المغص.
فا كنت بحطه فيها وكان ممكن ينام فيها ساعة متواصلة بدون بكاء لانه حاسس بالامان والوضع بتاعها كان بيخلصه من الغازات.
ومن فوايدها برضو اللي لاحظتها انها زودت اللبن الطبيعي في صدري بسبب انه كان بينلم عليه فتره طويله.
وفعلا ابني تخلص من المغص والفتق اللي كان عنده بسبب الشياله الجميله دي.
هي بس مشكلتها الوحيده انها طويلة شويه وممكن تغلبك علي ماتلفيها كويس علي البيبي بس لما تشوفيلها فيديوهات مره في مره هاتعرفي تلفيها كويس للبيبي.
واهم حاجه برضو ان لازم راس البيبي تكون مرفوعة لفوق علي صدرك عشان يعرف ياخد نفسه كويس.
ونسيت برضو ان من مميزتها انها في الشتا خليتني استغني عن البطانية لان في منها خامه تقيلة بتدفي بس برضو الخلفة الخفيفه حلوه برضو في الشتا وبتدفي فانصحك تيجيبي الخفيفة لانها هاتنفعك صيف وشتا غير التفيلة هاتبقي شتا بس.
وده رابط صفحة علي الفيس بوك اللي انا اشتريتها منها اسمها Ring sling اضغطي هنا لو عايزه تعرفي سعرها وتشتريها
الصفحة دي محترمة جدا في مواعيدها ومعاملتها وبجد خامتها جميلة ونضيفة جدا ....
اتمني تجربوها وتقولولي ارائكم.
ولو تعرفو اماكن تانيه بتبيعها ممكن تشاركوها معانا في التعليقات.
ليست هناك تعليقات:
إرسال تعليق